Mu rwego rwo kongera umutekano n’ubushobozi bwo guhangana n’ibiza, ishami rishinzwe kuzimya inkongi muri Polisi y’u Rwanda (RNP Fire Brigade) ryahuguye abakozi b’ibitaro bya Ruli ku bijyanye no gukumira no kwirinda inkongi.  

Amahugurwa yari agamije gutanga ubumenyi n’ubushobozi ku buryo bwo gukumira inkongi, kuyirwanya, no kuyitabaramo mu buryo buboneye. Harimo inyigisho n’imyitozo ngiro aho abakozi bigishijwe kumenya ibishobora guteza inkongi, gukoresha ibikoresho by’ubutabazi nka kizimyamwoto, no gusohora abarwayi mu mutekano mu gihe inkongi iba ibaye.  

Nyuma y’aya mahugurwa, abahagarariye ishami rishinzwe kuzimya inkongi basobanuye ko kwitegura ari ingenzi cyane mu kugabanya ingaruka z’inkongi ku buzima n’umutungo. Basabye kandi abakozi b’ibitaro gushyira mu bikorwa ibyo bigishijwe, bagakomeza kuba maso mu gukumira inkongi.  
 

#RNP #RuliDistrictHospital #ArchdioceseofKigali